Lanbide heziketa aukeratzea gero eta aukera erakargarriagoa da gazte askorentzat, eta horren erakusgarri da Uni Eibar-Ermua ikastetxea. Eibarren kokatutako LHko ikastetxe integratu honek 1968an hasi zuen bere ibilbidea, eta ordutik hona, aldaketa sozial eta hezkuntza-ereduen erritmoari egokituz, erreferente bihurtu da Debabarrenan eta Gipuzkoan.
Uni Eibar-Ermuak eskaintzen duen prestakuntza praktikoa eta espezializatua lan merkatuaren benetako beharretara egokituta dago. Ikastetxeak helburu argia du: ikasleek lanbide arlo jakin batean gaitasun zehatzak eskuratzea, enplegu kualifikatu eta egonkor baterako bidea erraztuz. Bere eskaintzan, gainera, praktikak enpresetan egitea derrigorrezkoa da, eta horrek laneratzea eta harreman profesionalen sare sendo bat garatzea ahalbidetzen du.
Azken urteetan izandako bilakaerari erreparatuz, nabarmentzekoa da 2016-2017 ikasturtean Ermuko eskaintza Eibarrera bideratu izana, eta 2019-2020an batxilergoa eskaintzatik desagertu ondoren, Lanbide Heziketan erabat zentratzea. 2022-2023 ikasturtean, berriz, Lanbide Heziketako Ikastetxe Integratu bihurtu zen, eta horrek sare batean lan egiteko aukera ekarri dio, beste zentroekin batera, sektore bakoitzean erreferentzia izateko helburuarekin.
Uni Eibar-Ermuak eskaintzen duen prestakuntza praktikoa eta espezializatua lan merkatuaren benetako beharretara egokituta dago
Lau arlo eta espezializazioak Zibersegurtasuna eta Errealitate Birtualean
Gaur egun, Uni Eibar-Ermuak lau arlotako prestakuntza zikloak eskaintzen ditu: Merkataritza, Administrazioa eta Kudeaketa, Jarduera Fisikoak eta Kirola, eta Informatika eta Komunikazioak. Horrez gain, espezializazioak ere eskaintzen dira, hala nola Zibersegurtasuna eta Bideo-jokoen eta errealitate birtualaren garapena, gaur egungo erronkei erantzunez.
Ikasleek formakuntza ibilbide malguak dituztela da beste ezaugarri bereizgarri bat. Ikasketak goi mailako ikasketekin osatu daitezke, unibertsitate mailara igaro edo bizitza osoko prestakuntzarekin jarraitu. Hori guztia, lan munduan egokitzeko eta hazteko aukera emanez.
Dual intentsiboa
Ikastetxeak hainbat arlotan lan egiten du ikasleen garapen osoa bermatzeko. Horien artean, nabarmenena da dual intentsiboko lanbide heziketa, non prestakuntza prozesua ikastetxean eta enpresan partekatzen den. Ikasleek esperientzia errealak jasotzen dituzte, eta enpresetan egiten duten jarduerak baliagarriak diren gaitasun zeharkakoak garatzeko aukera eskaintzen du: lanerako trebetasunak, moldagarritasuna eta enplegagarritasuna hobetzea, besteak beste.
Ikasleen ongizatea ere ardatz nagusi da Uni Eibar-Ermuan. Horren erakusgarri da osasunaren aldeko proiektua, non bizitza osasuntsua bultzatzeko jarduerak antolatzen diren
Ikasleen ongizatea
Ikasleen ongizatea ere ardatz nagusi da Uni Eibar-Ermuan. Horren erakusgarri da osasunaren aldeko proiektua, non bizitza osasuntsua bultzatzeko jarduerak antolatzen diren, hala nola jolasordu aktiboak eta Osasun Astea. Halaber, lehen sorospenen oinarrizko ezagutza zabaltzen da bai ikastetxean eta baita inguruko zentroetan ere.
Ongizate emozionalaren arloan ere lan sendoa egiten da. Ikasleen autoestimua eta autokontzeptua indartzeko helburuarekin, hainbat dinamika eta programa martxan jartzen dira, besteak beste, UPV/EHUrekin elkarlanean garatutako PRO programa. Bertan, adimen emozionala, emozioen identifikazioa eta kudeaketa egokia lantzen dira.
Ikasleen autoestimua eta autokontzeptua indartzeko helburuarekin, hainbat dinamika eta programa martxan jartzen dira
Nazioartekotzea ere Uni Eibar-Ermuaren egunerokoan txertatuta dago. Ikasleek praktikak atzerrian egiteko aukera dute, eta Europako beste ikastetxeekin elkartrukeak ere sustatzen dira. Era berean, eleaniztasuna bultzatzen da: hainbat irakasgai ingelesez eskaintzen dira, hizkuntza horretan aurkezpenak eta txostenak landuz, bizitza errealean erabilgarriak izango diren trebetasunak garatzeko.
Azken batean, Uni Eibar-Ermua ez da soilik prestakuntza zentro bat. Etorkizuneko profesionalak hezten dituen ikastetxea da, erronka berriei aurre egiteko prestatuta dagoena, eta lan merkatuaren eta gizartearen eskakizunei modu berritzailean erantzuten diena.
