Haurren hezkuntzan eta sozializazio prozesuan garrantzia handia dute ipuinek eta horregatik liburutegiko haurren liburuetan sexu genero rolen inguruan ematen diren mezuak ikuspegi feministatik aztertu zituen Oiartzungo Udalak joan den urtean. Sustraietatik eraldatuz dokumentalean jaso dituzte emaitzak.
Parean elkarteak egindako 35 minutuko dokumentala gaur Landetxe kultur aretoan emango da estreinakoz, 18.30ean. Sarrera doan da eta gonbidapenak sarrerak.oiartzun.eus helbidean hartu daitezke.
Haur eta gazte literaturak genero berdintasunaren eraikuntzan nola eragiten duen aztertzen du dokumentalak. Liburutegietan haurren esku dauden liburuak aztertzeko zenbait ikerketen berri eman eta gaiaren inguruan aritu eta aditu diren Lur Gallastegi idazlearen, Ainara Azpiazu ilustratzailearen eta Kalandra Pamielako Carmen Elviraren testigantzak jaso dituzte.
