Síguenos en redes sociales:

San Joan Txiki txapelketako finalak, Urretxun

10.30etik aurrera jokatuko dira Ederrena pilotalekuan eta ondoren Goierrikoek bazkaria egingo dute

A.Z.

17·06·23 | 02:00 | Actualizado a las 17:50

Gaur, 10.30etik aurrera, San Joan Txiki pilota txapelketako finalak jokatuko dira Urretxuko Ederrena pilotalekuan. Ondoren, 14.00etan, Goierri pilota eskolako kideek bazkaria egingo dute. Bukatzeko, haurrek eta gurasoek pilota jokoetan parte hartuko dute.

Finalei dagokienez, lehenengo B finalak jokatuko dira. Aurrebenjamin mailan Andueza eta Arnaizek Alves eta Amenabarren aurka jokatuko dute, benjamin mailan Chefrad-ek Larrañagaren aurka eta kimu mailan Alvarezek eta Artetak, Abarrategi anaien aurka.

Final nagusiei dagokienez, aurrebenjamin mailan Muruak eta Asurabarrenak Madinaren eta Telleriaren aurka jokatuko dute, benjamin mailan Cruzek Mendizabalen aurka, kimu mailan Garmendiak eta Lorentek Urretabizkaiaren eta Perezen aurka eta haur mailan Mendizabalek eta Garmendiak Juaristiren eta Alberdiren aurka.