Tolosa: Asunción Klinika eta Inmakulada, elkarlanean
Egonaldi ertaineko pazienteentzako aisialdiko eta estimulazio kognitiboko proiektua jarri dute abian
Asuncion Klinikak eta Tolosako Inmakulada Lanbide Ikastolak aisialdiko eta estimulazio kognitiboko programa pilotu bat jarri dute abian, Tolosako ospitaleko egonaldi ertaineko pazienteentzat.
Horrela, astero, prestakuntza-zentroko Mendekotasun Egoeran dauden Pertsonak Artatzeko Teknikariaren graduko ikasleak ospitalera joaten dira, zentroko Egonaldi Ertaineko Ospitalizazio Unitateko pazienteekin jarduera kolektiboak eta indibidualak egiteko.
Saioetan hainbat jarduera egiten dira, hala nola irakurketa egokitua, erlaxazioa, musika, adierazpen plastikoa edo memoria-jolasak. 25 ikaslek parte hartuko dute jardueran. “Belaunaldien arteko topaketa oso aberasgarria izaten ari da, eta pazienteek oso harrera ona egiten diete ikasleei”, azaldu du Amaia Karrera ikastolako heziketa-zikloko tutoreak.