Tolosa: Prostituzioari buruzko saioa izango da asteazken honetan Topic-en

Tolosako Asanblada Feministak Tolosako Udaleko Berdintasun sailaren laguntzarekin prostituzioari buruzko hausnarketa saioa antolatu du asteazken honetan Topic-en, 19.00etan.

Bi hizlari gonbidatu dituzte mahai-ingurura, eta bakoitzak gaia ikuspegi desberdin batetik landuko du; batek, abolizioaren aldetik, eta besteak, despenalizazioan fokua jarrita. Amelia Tiganus aktibista, formatzaile eta idazle feministak abolizioaren alde egingo du eta Aurora Iturrioz militante feministak, aldiz, despenalizazioaren alde. Bakoitzak bere hitzartzea egitearekin batera, publikoaren galde-erantzunetarako tartea egongo da.