Pasa den hilabetean Euskadiko txikizkako merkataritzaren salmentak %6,8 jaitsi dira

Urtea hasi zenetik, euskal txikizkako sektorean urte arteko atzerakadak antzeman dira hilabete guztietan: -%3,4 urtarrilean, -%1,1 otsailean, -%8 martxoan, -%1,2 apirilean eta maiatzean, eta -%3,2koa ekainean.

Bestalde, txikizkako merkataritzaren sektoreko okupazioa %1,7 hazi da urte arteko tasan, Estatu osoko batez bestekoa (%2,4) baino zazpi hamarren gutxiago.

Urtea hasi zenetik, okupazioa %1,8 hazi da Euskadin, hamarren bat jaitsiz (%0,1) aurtengo ekainarekin alderatuta.

Euskal txikizkako merkataritzaren salmentei dagokienez, fakturazioa, deflaktatu gabeko indizearekin, %7,3 hazi da 2021eko uztailarekiko, eta salmenten hazkundea %8,3ra iritsi da urte honetako batez bestekoan, INEren arabera.

Estatu osoan, txikizkako merkataritzaren salmentek %3,3ko atzerakada izan dute uztailean, 2021eko hil berarekin alderatuta; tasa hori aurreko hilekoa baino 3,7 puntu txikiagoa da, orduan %0,4 igo zirelako.

Jaitsiera horrekin, hautsi egin da segidako hiru hilabeteko hazkunde-sekuentzia. Urteko lehen zazpi hilabeteetan, txikizkako salmentak %0,3 igo dira batez beste, 2021eko aldi berarekiko.

Jaitsierak

Uztailean, elikagaien salmentak %3,3 jaitsi ziren txikizkako sektorean, 2021eko hilabete berarekin alderatuta; gainerako produktuenak, berriz, %6,6 jaitsi ziren, etxeko ekipoen salmentek (%-7,8) eta bestelako ondasunenek (%-3,4) behera egin zutelako, pertsonen hornigaiak %8,9 igo ziren bitartean.

Eskualdeka aztertuta, udako hilabete nagusian turista gehien jaso-tzen dituzten Balear Uharteetan eta Kanarietan, esaterako, txikizkako merkataritzaren salmentak igo egin ziren uztailean, %4,8 lehenengoaren kasuan eta %3,4 artxipelagoan.

Neurri txikiagoan, Extremaduran %0,6 hazi ziren, eta gainerako erkidegoetan urte arteko jaitsierak izan ziren txikizkako merkataritzan uztailean, aipagarrienak Gaztela-Mantxan (%-8,2), Asturiasen (%-7,7) eta Errioxan (%-7,2). Melilla eta Ceuta hiri autonomoetan ere jaitsierak izan ziren, %10,8 eta %6,9koak, hurrenez hurren.

Sektorearen fakturazioaren jaitsierarik apalenak Madrilen (%-0,8), Katalunian (%-2,1), Kantabrian (%-2,4) eta Valentziako Erkidegoan (%-3,1) antzeman ziren.

Aitzitik, sektore horretako enplegua %2,4 hazi da iazko uztailarekin alderatuta, eta hamabost hilabetez etengabe egin du gorantz Estatu osoan.

Uztailean, soilik bi autonomia erkidegok jasan dute urte arteko jaitsiera: Asturiasek (%-0,9) eta Aragoik (%-0,6). Gainerako hamabost eskualdeetan okupazioa handitu egin da. Honetan ere uharteak izan dira berriro nagusi, Balear Uharteetan %8,1eko eta Kanarietan %5,8ko hazkundeak islatuz.

Uztailean txikizkako merkatari-tzan enplegua gutxien hazi den eskualdeak, aldiz, Gaztela eta Leon eta Murtzia izan dira, urte arteko %0,9ko eta %1,4ko gorakadekin, hurrenez hurren.