?Bidaiderik gabeko ia 400 adingabe euren herrialdera itzuli ziren 2020an

Horietatik, 381, bakarrik edo bananduta zeuden adingabeak ziren, alegia, zaintzaren ardura esleituta ez duten senideekin bidaiatzen zuten adingabeak.

Datu hori ondorioztatzen da Migrazioetarako Nazioarteko Erakundearen 2020ko Itzulera eta Birgizarteratzearen arloko Gertaera Klabeak dokumentuan.

Europa Pressek arretaz aztertu du, eta bertan azaltzen denez, erakunde horrek 42.181 migratzaileri lagundu zien 2020an lagundutako borondatezko itzuleran eta birgizarteratzean (AVRR), borondatezko itzulera humanitarioan (VHR) edota covid-19aren pandemiaren testuinguruan antolatutako itzuleran.

Guztizko kopuru horretatik, osasunarekin lotutako premiak zituzten migratzaileak %63 ziren, %22 salerosketaren biktimak eta %15 adingabeak (6.327), horietatik %55 mutilak eta %45 neskak. Adinaren arabera, gehienak 0 eta 8 urte bitartekoak ziren.

Haurrei buruzko OIMren programak eta politikak, batez ere babesaren ikuspegitik hobetzen lagun-tzeko, erakunde horrek tresna-kit bat jarri du abian itzulitako adingabeen birgizarteratze jasangarriaren monitorizazioan “dagoen arraila ixteko” helburuarekin.

UE-OIMeko Ezagutzaren Kudeaketarako Zentroak (KMH) koordinatu du tresna-kit horren garapena eta jardunbide egokien identifikazioa, Samuel Hall eta Save the Children erakundeekin lankidetzan.

Migrazioen Nazioarteko Erakundeak zehaztu duenez, arrazoi garbi bategatik jarri da abian ekimen hau, izan ere, itzuli eta berriz integratzeko adingabeek izango dituzten erronkei aurre egiteko ahaleginak egin arren, orain arte adierazleen eta funtsezko esparruen monitorizazioa helduei edo etxeei bideratu baitzaie gehienbat, adingabeei baino gehiago.

Birintegrazioaren monitorizazioa Lanabesen-kit hori Samuel Hallek garatu eta probatu du Etiopian, Georgian, Hondurasen, Iraken eta Nigerian.

Tresna praktikoak dira nagusiki: inkesta kuantitatiboak, kasu-azterketak, talde fokalen eztabaidak eta informatzaileei egindako elkarrizketak; OIMren esanetan, itzulitako adingabeek euren birgizarteratze-prozesuan bizi izan dituzten esperientziak kontuan hartuz. “Ikerketaren emaitzak eredu eta lanabes bihurtu dira adingabeen birgizarteratzearen monitorizazio egoki eta eraginkorra egiteko”, adierazi du Samuel Halleko zuzendari Nassim Majudik.

“Barne hartzen dira adingabeen birgizarteratzean parte hartzen duten eragile giltzarrien ekosistema osoa ulertzea, eta prozesuan duten parte-hartzea handitzea”, gaineratu du.

Bestalde, OIMen Migrazioa Kudeatzeko Saileko zuzendari Mónica Goracciren ustez, kitak “tresna bakar bat ematen die birgizarteratzearen arloko profesionalei, adingabeen birgizarteratzearen iraunkortasuna monitorizatu ahal izateko, babesa indartzeko eta adingabeen interesa beti nagusi-tzen dela ziurtatzeko”.