Orio: Ahalduntze Eskolak lehen hiruhileko programa aurkeztu du

Hitzaldi bat eta aholkularitza juridikoa zein indarkeria matxista jasan dutenei laguntza zerbitzua eskainiko dituzte

12.01.2022 | 23:44
Ahalduntze-eskolako adituak artxiboko argazki batean. Argazkia: A.Z.

orio – Orioko Ahalduntze Eskolak emakumeen prestakuntza sustatzen du eta hausnarketarako eta elkarrekin egoteko gune ere bada, eta bi jarduera mota horiei erantzuten dien programa aurkeztu du 2022ko lehen hiruhilerako.

Hala, Ahalduntze Eskolaren ekimenez, Nokaren inguruko hitzaldia antolatu dute. Noka (ber)ahoratzeko eta (agian) berresanahi-tzeko praktikak du izena solasaldiak, eta urtarrilaren 19an izango da, kultur etxeko areto nagusian, 18.30ean. Parte hartu nahi duten herritarrek, aurrez izena eman beharko dute 623 178 553 telefonora deituta, Whatsapp bidez, edota ahalduntzeeskola@orio.eus helbidera idatzita. Bulegoan bertan ere egin daiteke izen-ematea.

aholkularitza juridikoa Bestalde, "andrazkoen saretzea bultza-tzeko eta partaidetza soziala eta politikoa indartzeko" jarduerak izango dira tartean.

Aholkularitza juridikoa mantenduko dute. Kultur etxean duten bulegoan aurrez aurreko zita har-tzeko aukera izango da Garazi Pagola Ugarte eta Macarena Mugica Urbistondo adituekin, ondorengo egunetan: urtarrilaren 31n, otsailaren 28an eta martxoaren 28an, 16.00etatik 19.00etara.

Horrez gain, indarkeria matxista jasan dutenei eta haien ingurukoei zuzendutako aholkularitza eta bidelaguntza zerbitzua ere izango da. Astean hiru egunez eskainiko da bulegoan: astelehenetan 16.00etatik 19.00etara, asteazkenetan 10.00etatik 13.00etara, eta ostiraletan 16.00etatik 19.00etara. Aholkulari-tza juridikoarekin bezala, hitzordua aurretik hartzea ezinbestekoa da.

Informazio osagarria Ahaldun-tze Eskolaren sareetan jartzen joango dira. Beraz, interesa dutenek bertan izango dituzte xehetasun guztiak, eguneratuta.

noticias de noticiasdegipuzkoa