Azpeitia - Azpeitiko Bertan merkatarien elkarteak zozketa berezi bat antolatu du herrian arrakasta duen festa berri baten hurbiltasuna aprobetxatuz, Gabonetan egin zuen bezala.
Oraingoan, dendarien elkarteak Karnabalekin lotutako zozketa prestatu du eta bertan parte hartzeko "nahikoa da atzotik Karnabalak bitartean elkarteko establezimenduetan erosketaren bat egitea".
Izan ere, "erosketa bat egiterakoan bezeroak bere datuekin betetzeko txartel bat eskuratuko du eta horren ondoren Bertaneko dendetan gastatzeko 60 euroko quince erosketa-bonoren zozketan parte hartuko du".
Hala ere, zozketa ez da merkatarien elkarteak mozorroen festa girotzeko garatuko duen ekintza bakarra. Bertanetik azaldu dutenez, "saltoki ugarik bere erakusleihoa Karnabal ukituz goxatuko du, festa honen magia kaleetan barrena zabalduz". Aurtengoan Belen Zendoiak eginiko diseinuak ikusi ahal izango dira 24 saltokitan. Hauek "urte hauetan zehar landuriko trajeak erakutsiko dituzte". - J.L.
