Urtarrilean hasiko da Hondarribiko 2025eko TAO txartela berritzeko kanpaina

Datorren urteko Hondarribiko TAO txartela berritzeko kanpaina urtarrilean jarriko da abian. Herritarrei izapideak errazteko, egoiliar-txartelek balio iraunkorra izango dute. Txartel horiek automatikoki berrituko dira, baldin eta baldintzak betetzen jarraitzen badira; beraz, urtea amaituta, txartel hori ez da ibilgailutik kendu beharko.

Tasaren ordainketa helbideratuta duten txartelen titularrei automatikoki berrituko zaie egoiliar-txartela, helbideratze-kontuan dagokion zenbatekoa ordaindu ondoren. Kargua urtarrilaren 31n egingo da.

Ordainketa helbideratuta ez duten titularrek dagokion ordainagiria jasoko dute etxean, ordainketa-gutunean aipatutako edozein banku-erakundetan ordaintzeko. Ordainketa egin ondoren, txartela automatikoki berrituta geratuko da. 2025ko urtarrilaren 25era arte helbideratu ahal izango da aurtengo TAOren ordainagiriaren ordainketa; horrela, joan-etorriak saihestuko dira eta txartela automatikoki berrituko da.

Aldaketaren bat badago edo 2025rako txartela berritu nahi ez duenak Udalarekin harremanetan jarri behar du 943 111 244 eta 943 111 246 telefonoetan, udala@hondarribia.eus postan, edo BAZ bulegoan abenduak 31 baino lehen.