Urretxu: Bizikletentzako zirkuituko obra egun gutxi barru hasiko da

Urretxuko bizikletentzako zirkuituko obra berehala hasiko da. Pump track kirola egiteko parkearen lanak urriaren 26an esleitu ziren.

Aurrekontua 137.000 eurokoa da. Enpresak proiektua aurkeztu du dagoeneko eta asteazkenean proiektua erabiltzaileei erakutsi zieten. Proposamenak aurkezteko aukera eduki zuten.

Pump track parkeak bi pista edukiko ditu: bata 3 eta 12 urte arteko haurrentzat izango da eta bestea zaharragoentzat. Gainera, etorkizunean zailtasun handiagoko hirugarren pista bat egiteko aukera egongo da. Pump track parkea Matxinportan egin behar da. Obrak 16 aste iraungo du, gutxi gorabehera.