- Orioko Udalak 2013tik bildu ez den Kultur Mahaia berraktibatu nahi du, eta horretarako, Kultura sailak bilera irekia deitu du gaurko. 19.30ean hasiko da saioa kultur etxean, eta herriko kultur talde eta eragileei luzatu diete bertan parte hartzeko gonbita. Bileraren helburuak dira, herriko kultur mugimendua aztertzea, kultur jardueraren eta kontsumoaren joerak behatzea eta honen bertuteak eta hutsuneak atzematea, eta bestetik, herriko kultur talde eta eragileen arteko harremanak indartzea eta koordinazioa hobetzea.
