Samuel Grijalba Artilleriako kapitain berria izendatu dute

- Samuel Grijalba, 48 urtekoa, Artilleriako kapitaina izateko hautatua izan zen pasa den igandean, irailak 20, Palmera Monteron ospatutako konpainiaren batzarrean. Grijalba Real Unión konpainian hasi zen desfilatzen Alardean (orduan Mendibil), hamalau urterekin, eta orain ere han desfilatzen du eskopetarekin txandakatzea tokatzen zaionean. 2010. urtetik titularra da Artillerian eta sarjentu lanetan aritu da 2017 eta 2019 urteetan. Bere postu berrian Agustin Camarero ordezkatzen du, Artilleriako kapitaina 2013tik 2020ra izan dena.