Síguenos en redes sociales:

Auzo-konposta egiteko guneak izango dira Alegian

Udalak herritarrek duten interesa ezagutu nahi du eta martxoaren 20a arte luzatuko da izen-emate epea

27·02·15 | 03:00 | Actualizado a las 17:36

Alegia - Alegiako Udalak auzo-konposta egiteko guneak martxan jarri nahi ditu herrian sortutako hondakin kopurua gutxitu eta janari hondarrak birziklatzeko helburuarekin.

Auzo-konposta bizilagun ezberdinen artean konposta egitean datza. Horretarako etxean sorturiko hondakin organikoa (janari-hondarra) Udalak prestaturiko etxola moduko guneetan botatzen da eta urrats erraz batzuk jarraituz konpostean bilakatzen da. Etxola hauek eguneko 24 orduetan eta asteko zazpi egunetan erabil daitezke.

Interesa ezagutu Guneak prestatu aurretik parte hartzeko interesa duten familiak zeintzuk diren jakin nahi du Udala. Modu honetan, guneen kopurua eta kokalekua benetako beharretara egokitu ahalko dira.

Interesa dutenek, izena emateko epea zabalik dute eta martxoaren 20a izango da azken eguna. Horretarako udaletxera joan edo ugalde@tolosaldea.net helbidera eposta bat bidali beharko da ondoko datuak helaraziz: izen-abizenak, NAN zenbakia, helbidea, telefonoa eta helbide elektronikoa. - M.S.S.