Egiako igogailua geldirik egongo da hiru astez
Kanpoko kristalak aldatu behar dituzte eta hamar metroko aldamioa jarri behar dute
Egiako Luis Martin Santos plazako (plaza Haundi) igogailuan kristalak aldatu behar dituztela eta, geldirik egongo da hiru astez. Zehazki, abenduaren 9an hasiko dituzte lanak eta, beraz, abenduaren azken astera arte egiatarrek ezingo dute erabili.
Donostiako Udalak azaldu duenez, igogailuaren kanpoko kristalak dira aldatuko dituztenak. Horretarako, aldamio bat jarri beharko dute. Hamar bat metroko luzera izango du aldamioak eta, beraz, muntaketa lanak ere konplexuak izango dira.
Hala, Udalaren arabera, lanek hiru asteko iraupena izatea espero dute, bestelako arazorik ez badago. Eta horiek iraun bitartean, igogailua geldirik egongo da segurtasuna bermatu ahal izateko.
Lanen kostua 25.500 eurokoa dela ere esan du Udalak (BEZa barne).
Hamabi urte
Egiako igogailua 2008. urtean estreinatu zuten eta hasierako proiektua aldatu egin zuten, hain zuzen, paretak kristalezkoak izan zitezen. Helburua segurtasuna handitzea zen eta gune arriskutsuak ez sortzea.
Plaza Haundi edo Martin Santos plaza Kapitainene kalearekin lotzen du igogailuak.
Temas
Más en Donostia
-
Gran respuesta al reparto de las flores de los jardines donostiarras
-
Aprobada la rehabilitación del Peine del Viento por 1, 5 millones de euros
-
A la nueva sede del Distrito Este le seguirá la comisaría de la Guardia Municipal de Herrera
-
Zinemaldia y Loterías crean un concurso de cortometrajes de temática social