Sanz Enea Kultur Etxeak ematen duen Ikasgelaren zerbitzua asteburu eta jaiegunetara zabaltzea erabaki du Zarauzko Udalak herritarren eskariei erantzunez. Larunbat honetatik aurrera eta urtarrilaren 30a bitartean egongo da zabalik, 9.00etatik 14.00etara eta 15.30etik 20.00etara. Asteburuez gain, abendu eta urtarrileko hainbat jaiegunetan ere irekiko da: abenduaren 6an eta 8an eta urtarrilaren 6an.
