- Udalak Ziriako Andonegi mikroipuin lehiaketaren edizio berri bat antolatu du eta parte hartzeko interesa dutenek apirilaren 8ra arte aurkez ditzakete lanak kultura@mutriku.net helbide elektronikoaren bitartez.
Parte-hartzaile bakoitzak nahi beste lan aurkeztu ditzake. Hori bai, lanak euskaraz idatziak, originalak eta argitaratu gabeak izan behar dira (gaia librea da eta obra bakoitzak, gehienez, 100 hitz izango ditu). Epaimahaiak hiru sari emango ditu: 500 eurokoa 18 urtetik gorakoen lan onenarentzat, 200 eurokoa mutrikuarren arteko lan onenarentzat eta 200 eurokoa 18 urtetik beherakoen arteko lan onenarentzat.
