- Irungo eta Hondarribiko udal talde politiko guztiek sinatutako adierazpen instituzional berdina kaleratu zuten atzo bi hirietako udalek, bakoitzak bere aldetik, Euskara, aurrerabide. Gizartea euskaraz biziberritzea helburu lelopean. Hala, bi administrazioek Euskararen Nazioarteko Egunarekin bat egin zuten, "euskararen ahotsa zor diogulako munduari" aldarrikatuz. Gainera, Irungo kasuan Udalak hainbat liburu sorta helarazi zizkien hiriko Haur Hezkuntzako eta Lehen Hezkun-tzako ikastetxeei, kalean jarduerak ezin direnez egin, gutxienez ipuinen eta liburuen bidez euskararen alde egiteko.
