Duatloi Txikia egin zuten larunbatean Urretxu eta Zumarragan

Larunbat arratsaldean Urola Triatloi Klubaren Duatloi Txikia egin zuten Urretxu eta Zumarragako Areizaga-Kalebarren plazan. Lehenengo 2015ean eta 2016an jaiotako gaztetxoak aritu ziren, ondoren 2013an eta 2014an jaiotakoak eta bukatzeko 2011n eta 2012an jaiotakoak. Lehenengo itzulia korrika egin zuten, bigarrena bizikletan eta hirugarrena korrika.

Maddi Aranzibia eta Martin Elorza, garaile

2015ean eta 2016an jaiotako nesken artean, Maddi Aranzibia nagusitu zen. Bigarren postuan June Pikasarri sailkatu zen eta hirugarrenean Maren Garcia. Mutilen artean, lehen postuan Martin Elorza sailkatu zen, bigarrenean Adei Telleria eta hirugarrenean Lier Amenabar.

2013an eta 2014an jaiotakoen artean, neska bakar batek parte hartu zuen: Maier Aranzadik. Mutilei dagokienez, lehen postuan Jon Salaberria sailkatu zen, bigarrenean Manex Cruz eta hirugarrenean Gari Saez de Egino. 2011 eta 2012an jaiotakoei dagokienez, parte hartzaileen artean ez zen neskarik izan. Irabazlea Amets Aiastui izan zen, bigarren postuan Jon Alberdi sailkatu zen eta hirugarrenean Luka Jarit.

Saria eta zozketa

Sari banaketaren ondoren, Zumarragako ATAharategiak emandako oilaskoak zozkatu zituzten.