Gipuzkoako Aldundiak abuztuaren 30ean irekiko dizkie ateak bisitariei

Bisitak gaztelaniaz eta euskaraz izango dira, eta bi txanda egongo dira, goizez eta arratsaldez. Horietan parte hartu ahal izateko, aldez aurretik izena eman behar da.

Foru altxorrak

Ibilbidean zehar, Foru Gobernuak jakitera eman duenez, areto, objektu, koadro eta dekorazio elementu aipagarrienen atzean dagoen historia ere ezagutuko dute, baita Aldundiari, Batzar Nagusiei, haien eskumenei eta administrazio antolaketari buruzko azalpen bat ere. Irune Berasaluze Gobernantza diputatuak foru eraikina lehen pertsonan ezagutzera animatu ditu herritarrak, herritarren artean oso harrera ona izan duten bisita gidatu hauetan; orain arte 4.500 pertsonak baino gehiagok parte hartu dute.

Varias personas contemplan la vidriera que representa a Alfonso VIII de Castilla, en el año 1200 jurando los fueros Iker Azurmendi

Doako ekimen honetan parte hartzen dutenak kanpotik sartuko dira Jauregira, ohorezko solairura iristeko. Han egiten dira ekitaldirik ospetsuenak, eta han daude eraikin honetan gordetzen diren obra azpimarragarri gehienak.

Pertsonaia historikoak

Bisita honek altxor txikiak ezagutzeko aukera ere emango du, hala nola, Alfonxo VIII.a Gaztelakoa irudikatzen duen beiratea, 1200. urtean foruen zina egin zuena; Alejandro Iruretaren kupula; Gipuzkoako paisaiak eta ohiturak irudikatzen dituen hormako dekorazioa; erretratua (Erwal) eta Julio de Urquijoren liburutegiko liburu-funtsa, Gipuzkoako Foru Aldundiak argitaratutako liburu guztiak biltzen dituena. Lecuonaren eta Albizuko Barandiaranen erretratuak; Uztapide eta Basarri bertsolarien margolanak; Orixek egindako inskripzio zaharrak; edo euskarazko hezkuntzaren eta ikastolen aitzindari izandako Elbira Zipitriaren eskultura.

Amaitutakoan, dibulgazio-liburuxka bat jasoko da.