Zuhaitz Eguna egingo dute bihar Zumarragan

- Zumarragako Zuhaitz Egunean aurreko urtean jaiotako haurrek eta gurasoek parte hartu ohi dute. Azken bi urteetan Zuhaitz Eguna ospatzerik egon ez denez, aurtengo Zuhaitz Egunean 2019an, 2020an eta 2021ean jaiotako haurrek eta bere gurasoek parte hartuko dute.

Zuhaitz Eguna larunbat honetan egingo dute, 10.00etatik 13.00etara, Ipar Haizea 17-20 zenbakien parean. 10.00etan 2019an jaiotakoen txanda izango da, 11.00etan 2020an jaiotakoena eta 12.00etan 2021ean jaiotakoena. Herriko alkateak eta zinegotziek ere parte hartuko dute.