Etxetik ateratako irudiak eskatzen ditu Eibarko Udal Artxiboak
Irudi-bankua sortu nahi du "etorkizuneko belaunaldiei Eibarrek pandemiari nola egin zion aurre erakusteko"
- Eibarko Udal Artxiboak herritarrak animatu nahi ditu konfinamendu garai honetan etxe barruan eta etxeko balkoi edota leihoetatik ateratako argazkiak bidaltzera.
Izan ere, Udal Artxiboak irudi-banku bat sortu nahi du "etorkizuneko belaunaldiei eibartarrek koronabirusaren pandemiari nola egin zioten aurre erakusteko".
Ekimen honetarako konfinamendua erakusten duten argazki guztiak onartzen dira: etxeko eta laneko uneak, hiriko irudiak...
Interesatuek artxiboa@eibar.eus helbidera bidali ditzakete irudiak "izena eta bi abizen jarrita".