24 ordutan bukatu dira Triatloiko dortsal guztiak

Pasa den asteartean jarri zituzten salgai Getariako Triatloiko dortsalak eta aurtengoa ere benetan arrakastatsua izan da. Izan ere, lehen egunean bukatu ziren guztiak. Maiatzaren 1ean ospatuko den Getariako probak, Euskadiko Triatloi denboraldia irekiko du. GetaiTri kirol klubak antolatuta, VI. edizio honetan 750 igerian Malkorbe hondartzatik hasita, 20 kilometro bizikletan eta bost kilometro korrikan egin beharko dituzte parte hartzaile guztiek. Kale Nagusian helmugaratuko dira.