EH Bilduk barne hauteskunde bidez hautatuko du alkategaia

Legazpi- EH Bilduk hauteskunde bidez aukeratuko du alkategaia. Hautagaiak aurkezteko epea hilaren 27an itxiko da. Otsailaren 6an hautagaiak ezagutzera emango dituzte eta barne kanpaina hasiko da. 22, 23 eta 24an bozketa telematikoa egingo da eta 24an presentziala ere bai. Alkategaia otsailaren 25ean izendatuko dute. Gainontzeko hautagaiak aurkezteko epea otsailaren 25ean irekiko da eta martxoaren 10ean itxi. Barne hauteskunde hauetan EH Bilduren ideiekin bat egiten duten legazpiar guztiek parte har dezakete. Izena emateko, elkarrekin.ehbildu.eus webgunera jo behar da. A.Z.