Aurtengo apiriletik azarora Altzako Bertso Aroaren 24. edizioa ospatuko da, behin ere, Donostiako Altza auzoan. Zikloa asteazken honetan, hilak 10, hasiko da Altzania Kultur Elkartean 19:00etan.
Antolakuntza Altzako Bertsozale elkarteak, Altzania Kultur Elkartea eta Bizarrain Euskara Elkartearen eskutik joan da Kultur Zerbitzuak elkartea eta Donostia Kulturren laguntza batuz.
Egutegia
Bertso Aroa apirila eta azaroa bitartean ospatuko da hainbat jarduera ezberdinekin foku gisa. Honi sarrera emateko, asteazken honetan, bertsoei buruzko solasaldi bat antolatu da Aitor Odriozola Zubillaga kazetari eta euskara idazleak gidatuta. Saioa arratsaldeko 19:00tan izango da Altzania Kultur Elkartean.
Hurrengo saioa asteburu honetan bertan izango da, hilaren 13an, eguerdiko 14:00etan Altzatarrak elkartean. Bertan, bertso bazkari bat ospatuko dute Andoni Egaña eta Aner Peritz bertsolariekin eta Joseba Alkizarekin gai jartzaile bezala.
Hirugarren saioan, maiatzaren 3an, 19:30etan ekingo diote bertso poteoari. Abiapuntua Altzako udaletxe zaharra izango da eta auzoko bertso eskolako bertsolariek eta trikitilariek hartuko dute parte.
Ekaineko saioa igandean, hilak 2, izango da non bertso jaialdi bat egingo da 18:00etan Harria parkean. Bertan Oihana Arana, Maialen Lujanbio, Aitor Mendiluze eta Xabier Galletebeitia bertsolariak izango dira eta Ainhoa Urienek gai jartzaile lana egingo du.
Lau hilabeteren ondoren, programa urrriaren 4an jarraituko du Tomasene Kultur Etxean 19:00tan. Egun horretan bertso musikatuak gauzatuko dira Josune Aramendi, Agin Laburu, Julio Soto eta Nerea Ibarzabal bertsolariekin. Gainera, Ixaki Arruti eta Gari Otamendi musikariak ere hartuko dute parte. Amaia Agirre izango da gai jartzailea.
Azkenik, azaroaren 2an ospatuko da bertso bazkari bat programari amaiera emateko. Ekitaldia Altzania elkartean egingo da 14:00etan Ekhiñe Zapiain eta Sustrai Colinaren bertsoekin batera. Gai jartzailea Aitor Odriozola izango da.
