gaur - Miramongo Matinéen zikloaren baitan, ganbera musikaren arloan boskote ohikoena dena ekarriko du B&B boskoteak Euskadiko Orkestra Sinfonikoaren egoitzako oholtzara gaur 11.00etan: piano batek, bi biolinek eta biola eta biolontxelo banak osatzen dutena, alegia. Genero horren bi ikuspegi ezberdin agertzeko asmoz, ia ehun urteko tartean emakumezko sortzaile poloniar batek, Grazyna Bacewiczek eta alemaniar gizonezko konpositore batek, Johannes Brahmsek idatzitako pianodun kinteto bana interpretatuko du boskoteak. - N.G.
