68.000 ikasle baino gehiago 2019/20an unibertsitateetan

14.002 pertsonak amaitu zituzten unibertsitate-ikasketak 2020an, eta %57 emakumeak izan ziren

21.07.2021 | 00:29

donostia – Euskadin egoi-tzak dituzten unibertsitateek hirugarren urtez jarraian egin zuten gora ikasle kopuruan 2019/20 ikasturtean. Guztira, 68.237 matrikula erregistratu ziren, aurreko ikasturtean baino %1,3 gehiago. Azpimarra-tzekoa da 14.002 pertsonak amaitu zituztela unibertsitate-ikasketak 2020an, 2019an baino %8 gehiagok, eta horietako %57 emakumeak izan zirela.

Eustat Euskal Estatistika Erakundeak eskainitako datuen arabera, EAEn ikastetxeak dituzten unibertsitateetan gora egin zuen ikasle kopuruak hirugarren urtez jarraian 2019/20an. Unibertsitate publikoak ikasleen %72 hartu zituen, azken urteetako beheranzko joerari eutsiz; izan ere, 2010/11 ikasturteaz geroztik, ikastetxe publikoak aukeratu dituzten ikasleen proportzioa ehuneko 9 puntu jaitsi baita.

emakumeen presentzia "nabarmentzekoa" Eustaten arabera, emakumeen propor-tzioa "nabarmentzekoa" izan zen graduko ikasketetan, %55era iritsiz, gizonekiko hamar puntuko aldearekin.

Era berean, azpimarratzekoa da emakumeen aldeko diferentzia adin txikienetan (18 eta 21 urte bitartean), adin-tarte horretan emakumeen aldeko portzentajea 12 eta 15 puntu artekoa izan baitzen.

Master ofizialei eta doktorego programei dagokienean, aldiz, parekotasuna egon zen bi sexuen artean, Euskal Estatistika Erakundeak jakinarazi duenez.

Hogeita zortzi gradutan egon zen sexuen arteko oreka, hau da, 2018/19 ikasturtean baino lau gehiagotan, nahiz eta guztizkoaren %27 baino suposatu ez. Besteak beste, Ingurumen Ingeniaritzan, Arkitekturan, Enpresen Administrazioa eta Zuzendaritzan, Fiskalitatea eta Administrazio Publikoan eta Ingeniaritza Kimikoan gertatu zen ikasleen banaketa parekoena.

Beste behin ere aipatu beharrekoa da, ikasketa maskulinizatuenak ingeniaritza-adarrekoak izan zirela, eta emakumeen laurdena baino gutxiago izan zuten ia karrera guztiak talde horretakoak zirela.

anteriorsiguiente
noticias de noticiasdegipuzkoa