Trans Legea indarrean sartu eta bi urtera, datuek argi erakusten dute, Irene Montero Berdintasun ministro ohiak trantsizioa errazteko bultzatutako arau polemikoaren ondorioz, sexu aldaketak ugaritu egin direla Espainiako Estatuan. Izan ere, arau horrek sexua aldatzeko aukera ematen baitio 16 urtetik aurrerako edozein herritarri, bere berariazko nahia beste baldintzarik gabe. Espainiako estatuan 10.670 sexu-aldaketa jaso dira erregistro zibilean. Euskadin, 554 pertsonak aldatu dute sexua aldi horretan, eta trantsizio gehien burutu diren komunitateak Madril, Katalunia eta Andaluzia izan dira.
Ehunekoa kontuan harturik, Nafarroan ere aldaketa ugari egin dira, 111 izan baitira.
Voxek idatziz egindako galdera bati erantzunez Gobernu zentralak azaldu duenez, 10.670 sexu-aldaketa kasu jaso dira erregistroan Trans Legea aplikatzen hasi zenetik.
Irene Montero Berdintasun ministro ohiak bultzatutako arau hori, zehazki 2023ko martxoaren 2an sartu zen indarrean. Legeria horrek edozein espainiarri sexua aldatzeko aukera ematen dio, bere nahia beste baldintzarik gabe, ez baitu ez lekukorik ez txosten medikorik behar.
Sexu aldaketak, herriz herri
Autonomiaka aztertuta, Madrilen egin dira sexu-aldaketa gehien, 1.931. Haren atzetik datoz Katalunia, 1.887; Andaluzia, 1.582; Valentziako Erkidegoa, 869; Galizia, 783; Euskal Autonomia Erkidegoa, 554; Murtziako Eskualdea, 535; Kanariak, 504; Gaztela eta Leon, 422; Gaztela-Mantxa, 343; Aragoi, 252; Extremadura, 227; Balear Uharteak, 210; Asturias, 199; Kantabria eta Nafarroa, 111; Ceuta, 53; Errioxa, 27; eta Melilla, 22. Gainera, zerbitzu kontsularretan ere beste 48 erregistratu dituzte.
Eskainitako datu ofizialen arabera, guztira 5.139 pertsonak aldatu zuten sexua 2023an, eta beste 5.531k 2024an. 2023an, gizonetik emakumerako sexu aldaketak 3.149 izan ziren, eta 1.990, berriz, emakumetik gizon izatera.
2024ko datuei dagokienez, 3.491 pertsonak aldatu zuten sexua gizonetik emakume izatera, eta 2.040k emakumetik gizonera. Bi urte horiek batuta, 6.640 pertsonak aldatu zuten sexua Erregistro Zibilean, gizonetik emakumera, eta 4.030ek emakumetik gizonera. Horiez gain, beste 48 pertsonak ere burutu zuten sexuaren aipamenaren aldaketa kontsulatuetako erregistroetan.
Polemika
Lege hori bereziki polemikoa izan da, esate baterako, dozenaka presok sexu-aldaketa izapidetu dutelako emakumeen kartzela batera eraman ditzaten; horrelako adibideak Estatutik kanpo ere maiz topa daitezke.
Iaz, trans diren presoak, eurak identifikatzen diren generoaren araberako kartzelara joan beharko luketela defendatu zuen Europako Kontseiluak.
Nolanahi ere, Berdintasunerako ministro Ana Redondok argi asko utzi nahi izan du, lege-iruzur “gutxi” horiek jazarriak izango direla eta dagokien zigorra jasoko dutela. “Hainbeste sufritu duten pertsonei berdintasuna eta eskubideak aitortzen dizkien legea ez da indargabetuko”, ziurtatu du.
