ÚLTIMA HORA
Última hora del coronavirus y el estado de alerta

Azkoitia, Azpeitia eta Zestoako kaleak desinfektatzeko lanak abiatu dituzte

Koronabirusaz prebenitzeko garbiketak jende gehien ibiltzen den guneetan eta hiri-altzairuetan zentratzen ari dira

26.03.2020 | 01:58
Serbitzu enpresako langile bat Azkoitiko kaleak garbitzen. Argazkia: Udala

azkoitia – Urola Erdiko udalek koronabirusaren zabalkundeari aurre egiteko neurriak hartzen jarraitzen dute etengabe eta horietako bat kaleak eta hiri-altzariak desinfektatzeko protokoloak aktibatzea izan da.

Azkoitiko Udaletik azaldu dutenez, "Serbitzu enpresako langileak egunak daramatzate ura eta xaboiarekin kaleak, auzoak, barandak, bankuak edota zaborrontziak desinfektatzen". Hauek "betiko ibilbidea egiten dute, baina kaleetan paper eta plastiko gutxiago pilatzen ari denez, desinfektatzea da lehenetsi beharrekoa".

Azpeitiko Udalak ere "arrisku handieneko espazio publikoak" desinfektatzeko lanak abiatu ditu, eta egunero garbituko ditu "hipokloritoarekin" kaleak, denda inguruak, anbulatorio aurrea, autobus geltokiak, aulkiak, pasabideak, barandilak eta edukiontziak. Horretarako, udal brigadako kideak ere garbiketa lanean ari dira kale garbitzaileekin batera.

Era berean, Zestoako Udalak kaleak desinfektatzeari ekin dio, Udaleko brigadako langileen bitartez. Hauek Euskal Herria plaza, Gesalaga kalea eta Guretzeaga kalea desinfektatzen arituko dira; baita Arroabea, Aizarna eta Iraetako kaleak eta hondakinak jasotzeko guneak ere.