Azkoitiko Udalak bat egin du Euskaraldiarekin

Azkoitiko Udala Euskaraldiaren laugarren edizioarekin bat egin du.

Aurtengo ekimena maiatzaren 15etik 25era burutuko da Elkar mugituz egingo dugu lelopean, eta, hasieratik, euskararen erabilera aktibatzeko eta hiztunen hizkuntza ohituretan eragiteko helburua izango du.

Izen-ematea

Euskaraldian parte hartzeko aukera dagoeneko zabalik dago herrientzat eta entitateentzat.

Martxoan, herritarrei dagokien txanda irekiko da, eta orduan ahobizi edo belarriprest izena eman ahal izango dute parte hartu nahi duten guztiek.

Azkoitiko Udala, entitate gisa, dagoeneko izena emanda dago Euskaraldian.

Bulego taldea

Aurten, Euskaraldiaren soinu banda Bulego taldeak eskainiko du, Gure Bihotzaren Taupadak kantua aukeratuta.

Abestiak euskararen erabilera aktibatzeko mugimenduari bizitasuna eta emozioa emango dio, Azkoitiko herritarrek Euskaraldia babestu eta sustatzeko arrazoi gehiago emanez.

Hikaldia: hitanoa indartzeko aukera

Euskaraldiaren baitan, Hika ekimena ere martxan izango da aurten, hitanoa sustatzeko asmoz.

Azkoitiko herria Hikaldira batu da, eta parte hartzaileek euren txapetan “H” ikurra eramango dute. Bertan, “nahi baduzu, nirekin hika egin dezakezu” mezua egongo da adierazita.

Ekimen hau ZirHika taldeak kudeatuko du, eta taldearen helburu nagusia hitanoaren erabilera, bereziki noka, indarberritzea da.

Hike eizan! egitasmoaren baitako ekimen honek Azkoitiko Udalaren babesa izango du, eta hizkuntza-ohitura horiek biziberritzeko bultzada emango dio Euskaraldiari 2025 urte honetan.