39. urtez Lasarte-Orian Santa Ana azoka ospatuko da
Igande honetan herriko bost taberna desberdinak bakailaoz eta piperrez egindako pintxo bereziak eskainiko dituzte
Santa Ana eta San Joakin eguna tradizioz betetakofesta da Lasarte-Orian eta ekitaldi handiak asteburu honetan hasiko dira.
Izan ere, igandean Okendo PlazanSanta Anako39. Artisautza Azoka antolatu da. 10.00etatik 14.00etara nahiz 17.00etatik 20.00etara irekita egongo dirapostuak. Artisautza produktuak erosteaz gain, jakiak ere aurkitu dituzte herritarrek. Gainera, bolillerak lanean eta Zurmailu elkarteko lagunen egurrezko lanak ikusteko aukera ere egongo da.
Santa Ana
Egun berean, Lasarte-Oriako merkatari eta ostalarien Aterpea elkarteak herriko bost tabernetan Santa Ana pintxoa deitzen dena eskainiko du.
Pintxo hauek bi osagai izan behar dituzte gutxienez: bakailaoa eta piperrak. Taberna bakoitzak pintxo berezi bat prestatu beharko du ibilbide bat egin ahal izateko. Mokaduak hiru eurotan salduko dira. Pintxoez gozatzeko ordutegia establezimendu bakoitzak ezartzen du, baina normalean 12.00etatik 15.00etara eta 19.00etatik 21.00etara izaten da.
Hamargarren edizioa
Hamargarren edizioa izango da aurtengoa eta parte hartuko duten tabernak HiruAldeta Taberna, Café Bar Buenetxea, El Punto, Herriko Etxea eta Arima Gastro Taberna dira.
Gainera, SantaAna egunean, uztailaren 26an, goizetik gauera arte ekitaldiak egongo dira. 9.00etan ikurrina jarriko dute Santa Ana Karkaban. 11.00etan, meza eskainiko da Ama Brigitarren komentuan eta ondoren, alboko plazan, hamaiketakoa egongo da.
12.00etan, Erketz EDTko dantzariek saioa egingo dute Santa Ana Karkaban.
Arratsaldean, 18.30ean, herrian barrena desfilatuko dute parodiako aktoreek, Jalgitik abiatuta, eta 20.00etan, parodia antzeztuko dute Okendo plazan.