Iñude eta Artzainen kalejira antolatu da Pasaian
Larunbatean 12.00etan aterako da Trintxerpeko Serafin Esnaola plazatik eta parte-hartzea irekia da
Datorren larunbatean, Pasaia Musikalek antolatuta, Iñude eta Artzainen desfilea izango da Trintxerpen. Konpartsa 12.00etan Serafin Esnaola plazatik aterako da eta Euskadi etorbidetik eta Azkuene kaletik igaro ondoren, Gudari plazara iritsiko da.
Antolatzaileek aditzera eman dutenez, parte-hartzea irekia da eta herritarrak animatu dituzte antzinako jantziekin mozorro-tzera. Informazio gehiago jaso daiteke 943 396 055 telefonoan.
Egun horretan, segurtasunarengatik, Euskadi etorbidea erabat moztuko da 11.00etatik 14.00etara. Gainera, barrutian, kalejira dabilen bitartean, auto ilarak sor daitezke.