Síguenos en redes sociales:

Beasain: 40. txistularien alardea, hilaren 29an

Beasaingo Goizeresi Txistulari Taldeak antolatuta, kalejira eta kontzertua izango dira

E.C.A.

23·10·22 | 08:11 | Actualizado a las 05:32

Beasaingo udalerrian ospatzen den Udazken Kulturalaren barruan, Goizeresi Txistulari Taldeak 40. alardea antolatu du. Urtero urriko azken larunbatean egiten da, eta aurten ere, tradizioei jarraipena emanez, urriaren 29an izango da txistularien zita.

Basakana tabernatik 19.00etan abiatuko da kalejira Kale Nagusitik barrena, Pergoletako frontoira arte, bertan emango bai-tzaio hasiera alardeari. Frontoian hamar abestiz osaturiko kontzertua eskainiko dute.

Aurtengoa 40. alardea denez, zenbait abestiren bitartez alardearen historia gogoraraziko da.

Zuzendari lanetan Unai Ariztimuño arituko da, bigarren urtez. Izan ere, aurreko urtean Joseba Ibargurenek lekua Ariztimuñori utzi zion.

Azken urteetan egon den pandemia egoera dela eta ezinezkoa izan zen Euskal Herriko txistulariak biltzea baina aurtengoan denei zabaldu zaie gonbita.