Kerejetak publikoaren saria irabazi du Gaztea Cover lehiaketan

- Uxue Kerejeta musikari zumarragarrak Gaztea Cover lehiaketako finala jokatu zuen astearte gauean, EITBren Donostiako estudioetan. Xabi Bandini eta Chica Sobresaltoren Zalantza eta egia kanta abestu zuen. Publikoaren saria lortu zuen: 1.000 euro, musika materiala erosteko. Grabatzeko materiala erosteko asmoa du. Finala Umami talde gasteiztarrak irabazi zuen, Compay Segundoren Chan Chan kantarekin eta Amy Winehouseren Valerie abestiarekin.