Jantziaren Zentroa bihar irekita egongo da doako sarrerarekin

- Bihar Museoen Nazioarteko egunean, Errenteriako Jantziaren Zentroa zabalik egongo da 18.00etatik 21.00ak bitartean. Ate irekien jardunaldi honetara bertaratzen den edonork lehen eta bigarren solairuetan kokatutako erakusketa iraunkorra doan ikusteko aukera izango du. XVIII. eta XX. mendeen arteko 30 jantzi daude, modaren bilakaeraren laburpena. Jantziaren Zentroaren bosgarren erakusketa iraunkorra ikusteko azken aukera da gainera, erakusketa maiatzaren 30ean kenduko baita.