- Gaur, 22.30ean, Martxoan Bertsoa txapelketako hirugarren eta azken kanporaketa jokatuko da Urretxuko Motz tabernan. Zubiri-zubiri nongori-nongori (Amaia Iturriotz, Maialen Akizu eta Sara Bidarte), Xaguxar zopa (Manex Mantxola, Jon Aztiria eta Iñigo Ramos) eta Kostata (Beñat Torres, Irati Sanchez eta Aitor Salegi) taldeek parte hartuko dute.
Finala hilaren 25ean jokatuko da, 22.30ean, gaztetxean. Dagoeneko bi talde daude sailkatuta: Bertso Olariak (Ane Beloki, Jone Narbaiza eta Lierni Ugarte) eta Tapia ta Leturias (Jon Mendizabal, Mattin Aranburu eta Mikel Iturriotz).
