Kaleko pintura lehiaketa, larunbatean Legazpin

- Larunbatean kalean egin beharreko pintura lehiaketa egingo dute, Jose Martin Etxeberriaren oroimenez. Oihalen zigilatzea 9.00etatik 10.00etara izango da, udaletxeko atarian. Lanak 14.00ak baino lehen aurkeztu beharko dira, toki berean. Lanak 14.00etatik 18.00etara ikusgai egongo dira bertan eta herritarrek gustukoenaren alde bozkatu ahal izango dute 17.30ak arte. Epaimahaiak hiru sari emango ditu eta herritarrek beste bat emango dute. Sari banaketa 18.00etan izango da.