Udako beherapen azoka arrakastsua ospatu da Beasainen

- Covid-19aren krisiak eragindako kalteak pairatzeko hainbat ekimen aurrera ateratzen ari da Beasaingo Udala. Merkataritzaren sektoreari bultzada emateko, Udako beherapen azoka ospatu zen atzo udalerrian, Bareak Merkataritza Elkartearekin elkarlanean.

Goizeko 10.00etatik 20.00ak bitartean, hainbat saltokik haien produktuak kalera atera zituzten, prezio ezin hobean saltzeko, eta bien bitartean, erosleak erakartzeko.

Beasaingo 34 saltokik parte hartu zuten. Batzuk euren establezimenduen kanpoaldean denda egokitu zuten, eta beste batzuk, ordea, Erauskin plazan prestatutako karpetan saldu zituzten produktuak.

Merkataritza sektorearen barnean aurkitu daitezkeen mota guztietako saltokien presentzia egon zen azokan: jantzi-dendak, optikak, dekorazioa, eta abar.

Beasaingo Udako beherapen azokak emaitza positiboak utzi ditu udalerriko ekonomiarentzat eta bertako parte izan diren merkatarientzat.

Udalerriko hurrengo beherapen azoka negu garaian izango dela aurreikusten da.