Asteburuan, emakumeen aldeko ekitaldiak

- Pasaiako Udalak eta herriko hainbat talde eta eragileek martxoaren 8an ospatzen den Nazioarteko Emakumeen Egunaren harira egitarau oparoa prestatu dute. Lehenengo ekintzak otsaila bukaeran hasi ziren eta asteburu honetan programak jarraipena izango du.

Honela, larunbatean Pasai Donibaneko Juanba Berasategi aretoan, 9.30etik 13.30era autodefensa feminista tailerra egongo da eta 10.00etatik 13.00etara gizonentzako desboteretze saioa prestatu da.

Egunarekin amaitzeko, 18.00etan, bertso saio musikatua egongo da, Miren Amuriza eta Nerea Ibartzabalen eskutik.