Síguenos en redes sociales:

Ipuin laburren lehiaketa irabazi du Elena Markotegi

Nora Escudero haurra eta Ainhoa Gracia, Elene Goitia eta Paula Bereziartu gazteak ere saritu dituzte

- A.Z.

09·12·20 | 03:00 | Actualizado a las 03:26

- Legazpin Euskaraldia dinamizatzeko sortutako herri batzordeak Ipuin labur, labur, laburren lehiaketa antolatu du. Antolatzaileek 105 lan jaso dituzte. Haurren mailan Nora Escudero izan da garailea, gazteen mailan Elene Goitia, Paula Bereziartu eta Ainhoa Gracia eta helduen mailan Elena Markotegi.

Horra hor Markotegiren lana: "Txikia zen, inguruko erraldoiekin konparatuz. Lotsatia zen, inguruko ausartekin alderatuz. Baldarra zen, edertasuna neur-tzeko ausardia duten zenbaiten aburuz. Txikia, lotsatia eta baldarra zen. Baina txikia izan zen gehiago ikus zezaten takoiak ipini zituen arte. Lotsatia, lotsen gainetik beste zenbait gehiagorekin egoteko, ekiteko eta izateko aukera dagoela ulertu zuen arte. Baldarra, ispiluan gehiagotan begiratu eta bera ere dotorea eta ederra zela sinistu zuen arte. Handia, ausarta eta ederra, bere txikitasunean. Egiten duguna gara. Ekin!".