Debako Udalak zaintza sare solidarioa eten egin du

- Hilaren 19an Eusko Jaurlaritzak Osasun alarma egoerari amaiera eman zion Euskadin eta egun horretatik aurrera Debako Udalak eten egin ditu, "momentuz", alarma egoerak iraun zuen bitartean indarrean egon ziren hainbat zerbitzu eta ekimen.

Horietako bat beharra zuten herritarrei laguntza emateko helburuarekin sortu zen zaintza sare solidarioa da. Beraz, Udalak jakinarazten du "zaintza sarean harremanetarako jarritako bideak ez dira erabilgarri egongo, baina laguntzarik behar duenak, Herritarren Arreta Zerbitzura (943 192 840), Gizarte Zerbitzuetara (943 192 933) edo Udaltzaingora (943 608 040) dei dezake".