Síguenos en redes sociales:

Eibarko Udalak hiri-altzariak desinfektatzeko lanak indartu ditu

Atzotik lau pertsona gehiago ari dira garbiketa lanetan Eibarko erdigunean eta nekazal auzoetan

- J.Leon

10·04·20 | 04:00 | Actualizado a las 08:41

- Udalak, Eibarko kaleen osasungarritasuna bermatzeko lanean jarraitzeko asmoz, Udal Brigadako langileak egiten ari diren desinfekzio-lanak indartu ditu, kontaktu gehien duten azalera eta azpiegitura guztietan egon daitekeen COVID-19 birusa ahalik eta gehien kenduz.

Horrela, atzotik, lanak egiten dituzten pertsonen kopurua 7tik 11ra igo da, desinfekzio-lanak bermatzeko, bai Eibarko erdigunean, bai auzo guztietan. Eguneroko lana (Aste Santuko jaiegunetan ere) egingo da, "modu intentsiboan eta 7.30etik 14.00etara bitartean".

Udalak orain dela 15 egun baino gehiago berrantolatu zuen Udal lantaldearen beharginen lana "alarma-egoera indarrean dagoen bitartean ildo horretan lan egiteko". Ordutik, desinfektatze-lanak egiten ari dira sodio-hipokloritoarekin kontaktu gehien duten azalera edo azpiegituretan (baranda, eskudel, igogailu, eskailera eta edukiontzietan). Era berean, Debabarreneko Mankomunitateko langileak jende gehien pilatzen den guneetan ari da lan horiek egiten.