J.m. garmendiari buruzko liburua aurkeztuko dute ibarran

Ibarra. Ibarrako Udaleko batzar aretoan Joxe Mari Garmendia Ezeiza, fedea eta bizitza bertsotan. 1971-2009 liburuaren aurkezpena izango da asteartean, 20.00etan.

Ibarrako misiolariak apaiz zerbitzuan orain arte egin duen ibilbidea jasotzen da liburu honetan, eta bide horretan sortutako mila bertso sorta eder ere bildu ditu, "bertsolariaren sentiberatasunez eta fede bizipenaz osatuak". Ibarratik Misio Taldeak bultzatu du egitasmo hau, eta Emeterio Sorazu izan da liburuari egitura eman diona. Ibarrako Udalak finantzatu du proiektua.