Donostia – Lehen seihileko “apala” eta uda ondoren igoera “xumea” izatearen esperoan, Jon Lekue, Bizkaiko Kontzesionarioen Elkarteko presidente eta Faconauto patronalaren ordezkariak aurreikusi duenez, ibilgailuen matrikulazioak %5 haziko dira Euskadin 2023aren amaieran. Nolanahi ere, gorakada hori pandemiaren aurretik “baino askoz txikiagoa” izango omen da.
Inolaz ere, atzo Europa Pressi egindako adierazpenetan, egungo testuinguru ekonomikoan “ezusteko berririk ez egotearekin” lotu zituen aurreikuspen horiek Lekuek, baita azken urtean turismoen salmentan eragina izan duten aldagaiekin ere; energia-prezioen eta interes-tasen igoerak aipatu zituen, aldagai horiei erregaiaren pizgarriak kentzea gehitu behar zaiela nabarmenduz. Lekueren hitzetan, elementu horiek guztiek eragina dute “kontsumitzailearen konfian-tzan”, eta horren ondorioz azken hilabeteetan bisitari “gutxiago” izan omen dituzte Euskadiko salmenta-gune eta kontzesionarioetan.
2022an Euskadin turismoen matrikulazioek izandako beherakadari dagokionez (%11,2 murriztu ziren 2021aren aldean, Estatuko bosgarren jaitsierarik handiena izanik), Bizkaiko kontzesionarioen presidenteak ez du uste datu txar horiek aldagai “argi batek” eragin dituenik; izatekotan, aurreko urteetan txatar bihurtzeko laguntzarik bazegoela, eta horien ondorioz “datu hobeak” izan zirela 2022koak baino.
Bere iritziz, “Estatu osoari eragiten dioten aldagai berberek eragiten digute” gaur egun, “egia bada ere” intentsitate handiagoarekin sumatzen dugula, eta, horien artean garrantzitsuena, “beheranzko joera duen kontsumi-tzailearen konfiantza da”. Nabarmen-tzeko da, gainera, abenduan, prezioen gorakadak eraginda, jendeak “aurrezki partikular gehiago bideratu duela Gabonetako gastuetara”.
Sektoreak administrazioei zer eska-tzen dien zehazterakoan, argi adierazi du Lekuek, “oraindik ere premiazkoak direla aurreko ekitaldietan bezalako txatar bihurtzeko laguntzak, izan ere, errealitatean, 2022ko salmenten beherakadak ibilgailuen parkea zahartzea ekarri duelako”.
Ildo horri jarraituz, bere ustez ibilgailu elektrifikatuarekin zerikusia duen guztia bultzatzen eta sustatzen jarraitzekotan, beste sektore batzuetan gertatzen den bezala ezinbestekoak izango dira “zerga-jaitsierak edo BEZ murriztua, EAEko eta estatuko batez besteko errenta, oraingoz, ibilgailu elektriko baten prezioa baino baxuagoa delako”, eta zaharrak ordezkatu ezean, isurietan eragin handiagoa duelako zein ibilgailu mota den gorabeheran.
