- Katapulta Tour Gipuzkoa zirkuituaren zazpigarren edizioan lekuko artisten 65 emanaldi emango diran, gure lurralde osoko espazioetara iritsiz, besteak beste, Hernaniko Chillida Lekura eta Getariako Balenciaga museora, baita Jazzaldira ere.
Hautatutako taldeak eta artistak atzo aurkeztu zituzten ekimena bultzatzen duten erakundeetako ordezkariek eskainitako prentsaurrekoa: Foru Aldundiko Kultura Saila, Kutxa Kultur, Jazzaldia eta koordinazioaz arduratzen den Buenawista Prolleckziom 's.
Katapultaren zirkuitu propiotik zuzenean aukeratu dituzte Agresión Verbal, Mikel Moreno, Rumbling Lips eta Sega Sound Killers, musikan; eta arte eszenikoetan, berriz, Alazne Etxeberria aktorea eta Behibis Antzerki Konpainia.
Horiekin batera, Kutxa Kultur Musika programako sei artista: Deñe, Intza, Julen, Kyxo, Lamiak eta Tek au maisin.
Guztiek hiruna emanaldi eskainiko dituzte, eta lehen ataleko bik eta bigarreneko beste bik Jazzaldiaren 57. edizioko kontzertuetan parte hartuko dute. Jazzaldiarekiko elkarlan honen baitan, tokiko taldeen ataleko hamabost zuzeneko eskainiko dizkio Katapultari, bai eta uztailean jaialdia egiten den bitartean aukeratutako beste hamar artista ere.
Proiektu bakoitzak 400 euroko konpentsazioa jasoko du emanaldiko, eta euren lanak zabaltzeko lan "garrantzitsua" egitea agindu zaie. Katapultak hautatutako seiekin promozio-bideo bat ere grabatuko dute.
Rumbling Lips eta Sega Sound Killers izango dira jotzen lehenak, eta Azpeitiko Sanagustin Kulturgunean arituko dira. Agertoki azpeitiarrak zirkuituaren beste edizio batzuetan ere parte hartu izan du, baita Tolosako Topic-ek, Debako Elektrorock Festibalak, Errenteriako Atlantikaldiak eta Hondarribiko Bikingo Egunak ere, besteak beste.
Buenawista Prolleckziom-eko Imanol Góñezek pozik nabarmendu zuen Katapulta dagoeneko ezinbesteko zita bihurtu dela, eta "inguruko lurraldeen inbidia" pizten hasi dela, erakundeek "tokiko talentuari" eskaintzen dioten "laguntzaren eredutzat".
