- Espainiako automobilgintzaren sektoreko lantegien aldi baterako enplegu-erregulazioko espedienteek jarraipena izango dute 2022an, eta 23.000 langileri baino gehiagori eragin diezaiekete. 2022. urtean aldi-baterako lan-erregulazioak indarrean jarraituko zuela iragartzen lehena Seat espainiarra izan zen. Joan den irailean lortu zuten akordioa automobil-enpresak eta sindikatuetako ordezkariek konpainiak planteatutako aldi baterako lan-erregulazioari buruz. Hitzarmen horren arabera, ERTEa 2022ko ekainaren 30era arte luzatuko da, eta 482 eta 1.276 langile arteko gehieneko eragina izango du egunero Kataluniako lantegietan.

Bi aldeek plan sozial bat hitzartu zuten, eta konpainiak hobaria eskainiko die aldi baterako lan-erregulazioak eragindakoen langabezia-prestazioan, eta prestakuntza jaso-tzeko aukera ere izango dute, ibilgailu elektrikoan adibidez, ordainsariaren %100ari eutsiz. Bestalde, 55 urtetik gorakoak eta langabezia-prestaziorik sortu ez duten langileak, aldi baterako lan-erregulazio horretatik kanpo geratuko direla ere adostu zen. Joan den azaroan, bere aldi baterako lan-erregulazioa 2022ko ekainaren 30era arte luza-tzea erabaki zuen Renault España ere gehitu zitzaion hitzarmenari, Valladolideko eta Palentziako lantegietako 8.777 langileri eragingo dielarik.

Kasu horretan, enpresak manten-tzen dituen baldintzen artean soldataren %85era arteko osagarria jaso-tzen da lehen mailako ordainsarian, priman, antzinatasunean, txandakotasunean eta, hala badagokio, forfait soldatan, aurretik adostutako akordioen ildoari jarraituz.

Gainera, aparteko ordainsariak eta opor kolektiboak oso-osorik mantenduko dira; espedienteak irauten duen bitartean, bi mutuei egin beharreko ekarpenei eutsiko zaie; gainera, geldialdien iragarpenak ordu-poltsarako erabiltzen diren epe berberetan egingo dira, iragarritako geldialdi hori poltsa edo aldi baterako lan-erregulazioko espedienteen araberakoa den zehaztuz, eta poltsaren kontagailu orokorrean hitzartutako malgutasuna espedientea aplikatu aurretik agortuko da.

Bestalde, Stellantis partzuergoak 2022rako aldi baterako lan-erregulazioa onartu zuen Vigoko lantokirako; 60 lanegunetan aplikatuko da eta beste hamabost egunez luzatu ahal izango da, eta lanaldi osoko kontratu mugagabea duten langileei eragingo lieke, guztira 3.721 langile ingururi. Behin egokitzapen-egunak eta ordu-poltsako saldoa kontsumitu ondoren aplikatuko zaie erregulazioa langile horiei. Ildo beretik, Zaragozako Figueruelaseko lantegian ere beste aldi baterako lan-erregulazioa adostu dute 2022rako; langile bakoi-tzarentzat 60 egun aurreikusi dira, laurogeiraino luza daitezkeelarik. Partzialetako langileak salbuetsita geratuko dira, ordu-poltsaren bidez arautuko direlako.

2022ari begira, Valentziako Ford Almussafeseko zuzendaritzak ERTE berri bat planteatu zuen urtarrilaren 5ean kontsulta-batzordean, ibilgailuen eta sail osagarrien lantegietarako; hamabost laneguneko geldialdi osokoa lehen hiruhilekoan, astebete hilabeteko, 4.764 langileri eragingo diena. Akordioa ixteko asmoz, gaur bertan beste bilera batera deitu dituzte sindikatuak. Mercedes Gasteiz Euskadin, Gasteizko Mercedes-Benz lantegiko zuzendaritzak urtarrilaren 5ean jakinarazi zien sindikatuei aldi baterako lan-erregulazioko espediente berri bat aurkezteko asmoa. Arabako lantokiko 5.000tik gora langileei udako oporrak aurreratu egin behar izan zizkien konpainiak, txipen faltagatik. Nafarroako Volkswagenen lantegian, abenduan adostu zuten sindikatuekin 2022rako egutegia; 304.000 ibilgailu ekoiztea eta 215 eguneko lanaldia erabaki zen, bai eta langileentzako hainbat soldata eta lan-berme ere. Konpainiak adierazi zuenez, ixtea ezinbestekoa balitz, beste aldi baterako lan-erregulazio bat adostuko omen dute.