Guztira 2.269 migratzailek eskatu dute nazioarteko babesa Euskadin 2025eko lehen hiruhilekoan

Urtarrilaren 1etik martxoaren 31ra bitartean mota horretako babes-eskaera gehien erregistratu dituen laugarren autonomia-erkidegoa da Euskadi, Madrilgo Erkidegoaren (11.978), Andaluziaren (5.521) eta Kataluniaren (4.174) atzetik. Bosgarren postuan, Euskal Autonomia Erkidegoaren atzetik, Galizia dago (2005).

Probintzien rankingean, Bizkaia hirugarrena da nazioarteko babesa eskatzen dutenen kopuruari dagokionez , 1.623rekin, eta Madrilek (11.978) eta Bartzelonak (3.140) bakarrik gainditzen dute. Almeria eta Malaga daude atzetik, 1.202 eta 1.043rekin, hurrenez hurren.

JATORRIAK ETA ADINAK

Estatuan 39.991 eskaera aurkeztu dira guztira; horietatik gehienak, 23.724, Venezuelakoak ziren , 5.458 kolonbiarrak eta 2.832 Malikoak. Perutik 1.408 zetozen eta Senegaldik 1.195.

Nazioarteko babesa eskatu duten gehienak 18 eta 34 urte bitartekoak dira (20.195), eta ondoren, 35 eta 64 urte artekoak (11.835). Egindako eskaeretatik 7.498 adingabeak ziren. Guztira, 5.665ek 0 eta 13 urte bitartean zituzten, eta 1.833k 14 eta 17 urte bitartean. 463 bakarrik ziren 65 urte baino gehiagokoak.

Urtarrilaren 1etik otsailaren 28ra, 1.496 migratzaile ziren Euskadin nazioarteko babesa eskatu zutenak, eta Estatu osoan 26.409 ziren guztira.