Zirrikituetatik begira

Beti lehen lerroan

03.01.2021 | 23:43
Beti lehen lerroan

Winston Churchill bi aldiz izan zen Britainia Handiko lehen ministro: 1940tik 1945era eta 1951tik 1955era. Handiak izan ziren hark egindakoak eta lortutakoak politikari gisa, munduko historiaren orrialdeek aditzera ematen dutenez. Nik, ordea, haren idazle lanaren bidez (Literatura Nobel saria eskuratu zuen 1953an) jasotako izaera eta pentsamoldea transmiti-tzen dizkiguten esaldi ezagunak gogoratu ditut, Stanley Jonhsonek, gaur egungo Bretainia Handiko lehen ministroaren aitak, nazionalitate frantsesa eskatu duela jakitean. Hauek dira Churchillen esaldi horietako ba-tzuk:

1) Arrakasta da porrotetik porrotera joan ahal izatea, gogo bizia galdu gabe. 2) Etsaiak dituzu? Horrek esan nahi du inoiz zerbait defendatu duzula zure bizitzan. 3) Ezkor batek zailtasuna ikusten du aukera bakoitzean, baikor batek aukera ikusten du zailtasun bakoitzean. 4) Historia onbera izango da nirekin, nik idatziko dut eta.

Beti pentsatu izan dut, pertsona bakoitzak bere momentua duela bizitzan. Batzuen momentuak luzeagoak izango dira beste batzuenak baino, esanguratsuagoak, zailagoak, ederragoak€ pertsona batzuk, momentu bat baino gehiago ere izan ditzakete (nahiz eta ondo aztertuz gero, momentu bat bestea baino indartsuagoa edo esanguratsuagoa izango den€). Hala ere, uste dut, bizitzan, pertsona orok bizi duela urrezko une hori, agintean daudenena agintaldia izan daitekeen modura (nahiz eta ez duen zertan derrigorrez karguarekin bat etorri behar). Eta badira, pertsonak hainbatetan gurasoak, momentu horren gainetik egiten saiatzen direnak, euren momentua pasatu zela onartu ezinik. Oraindik ere euren momentua dela sinetsita. Edota oraindik, momentu hori beraiena ere badela erakutsiz. Badira gurasoak, beti lehen lerroan egon nahi dutenak, seme-alaben gainetik, edonoren gainetik, konturatu gabe, historiaren orrialdeak, momentu guztiez elikatzen direla. Gesta historikoez gain, pertsonen miseriak ere (nahiz eta askatasun ariketak izan) betiko jasota geratzen direla, eta ez, preseski, Churchillek espero bezala, berak idatzitakoa berak idatzitako eran.