Errusiako agintariek ziurtatu dute astelehen honetan Konstantin Malofeyev enpresaburu errusiarraren aurkako hilketa-saiakera eragotzi dutela. Tsargrad komunikabide-taldeko administrazio-kontseiluko lehendakaria da Konstantin, eta Errusiako presidente Vladimir Putinen laguna da.
Segurtasun Zerbitzu Federalak (FSB) adierazi duenez, hilketa-saiakeraren arduradunek Malofeyev-en ibilgailuan bonba lapa bat jartzeko asmoa zuten, eta Denis Kapustin RDKko fundatzaileari planaren egile bezala seinalatu dute.
Marshall Capital Partners nazioarteko inbertsio-funtsaren sortzailea ere bada Malofeyev, eta Estatu Batuen zigorrak jasotzen ditu. Tsargrad TV sortu zuen 2015. urtean. Tsargrad TVk argitalpen-ildo kontserbadorea du, eta erlijio ortodoxoa sustatzen du.
Organismoak adierazi duenez, Kapustin da, baita ere, Briansk eskualdean, Ukrainarekiko mugan, "saboteatzaileek" joan den astean egindako erasoaren 'burmuina'. Interfax berri-agentzia errusiarrak jakinarazi duenez, bi hildako izan ziren gutxienez.
RDKk Ukrainako Lurralde Defentsaren zati da 2022ko abuztuaz geroztik, eta Azov talde neonaziaren barruan lehenago borrokatu ziren ultra-eskuindar errusiarrek eta Donbás eskualdeko (ekialdea) beste unitate ukrainar batzuek osatzen dute. Bigarren Mundu Gerran Alemania naziarekin lankidetzan aritu zen Errusiako Askapen Armadaren sinboloak erabiltzen ditu taldeak.
Errusiako presidenteak, Vladimir Putinek, Briansk eskualdean gertatutakoa honela deskribatu zuen: "ekintza terrorista" eta "krimen bat". Erasotzaileek Ukrainatik muga zeharkatu zutela eta "zibilen kontrako sua zabaldu zutela" salatu zuen.
