Zumaia | Beka bat sortu dute emakumeek herrian egindako ekarpenak jasotzeko

"Zor zaien aitortza" emateko 6.500 euro bideratuko dituzte eta lanak hilaren 26ra arte aurkeztu daitezke

07.07.2021 | 01:12
Euskaraz aurkeztu beharko da ikerketa. Argazkia: N.G.

Zumaia Zumaiako emakumeek historian zehar herriari egindako ekarpenak ikertzeko beka bat sortu du Udalak. "Emakumeen ikuspegi eta ekarpenei balioa ematen ez dien kontakizuna izan da gure herriaren historia eraikitzeko ardatz. Gizonak izan dira objektu bakarra, eta horrek, bazterrean geratzen diren errealitateak aintzat hartzen ez dituen kontakizun bat eman digu. Ez dira emakumeen errelatuak jaso izan eta ondorioz, emakumeen ikusgarritasun sozialean defizit nabarmena izan dugu", azaldu dute Udaletik.

Hala, Zumaiako historia berreskuratu, berridatzi eta halaber "emakumeei zor zaien aitor-tza" emateko asmotan, 6.500 euroko laguntza emango dute.

Ikerketa euskaraz egin beharko da, banaka zein taldeka, eta lana egiteko epea sei hilabetekoa izango da.

Beka jaso ahal izateko, hautagaiek, honako baldintza hauek bete beharko dituzte, nahitaez: unibertsitate ikasketak edukitzea (erdi mailakoak zein goi mailakoak onartuko dira), eta euskarazko C1 maila izatea. Taldeen kasuan, gutxienez, taldekideen % 50ak bete beharko ditu azaldutako bi baldin-tza horiek.

Eskabideak Zumaiako Udalaren Erregistro Orokorrean aurkeztu beharko dira, edo bestela, telematikoki, egoitza elektronikoan. Proiektuak eta proporsamenak aurkezteko epea ireki dute dagoeneko eta uztailaren 26a izango da horretarako azken eguna.

noticias de noticiasdegipuzkoa